Термолепилици за херметички спакувана храна – лесно, брзо, сигурно!

lavezzini SV300

Кога се работи за храна, многу е важна хигиената и безбедноста. Посебно во време на пандемија, треба да се внимава уште повеќе да се запази синџирот од точката на готвење додека да стигне до потрошувачот, да биде максимално испочитуван и храната да биде хигиенски и практично спакувана.

Кај нашите угостители и производители на готова храна се посебно популарни нашите термолепилици за пакување во пластични канчиња. Тие работат на следниот принцип: храната се става во пластично канче, канчето се става во машината, се повлекува фолија колку што е потребно, и се спушта капакот, кој се крева автоматски кога процесот на лепење ќе заврши.

Машините се вистински хит бидејќи ракувањето со нив е брзо и лесно. Храната е убаво спакувана и може да се транспортира без страв од истурање, валкање и слично.

готови оброци во МАП/cooked meals in MAP

pp tray

pp tray

На машините се користи калап со димензии по желба на клиентот, и може да се мануваат и повеќе калапи во зависност од  потребите на клиентот, замената е лесна и брза. Побарајте понуда на 078/703886 или vivavakoffice@gmail.com.

Три причини да изберете шок ладилник за вашето производство и да бидете чекор пред другите! Секоја комерцијална кујна, без разлика дали е тоа кетеринг, ресторан, слаткарница или погон за производство на смрзната храна (месо, риба, овошје, зеленчук…) треба да го има овој ладилник како составен дел од инвентарот. Шок ладилникот претставува комора во која може брзо да се изладат и замрзнат производите. Зошто треба да инвестирате во ваков ладилник:

1. Подобар квалитет и изглед на храната. 

Шумски плодови замрзнати во шок ладилник

Производите изгледаат свежо, се минимизира стеснувањето и калирањето. Ова значи само по себе дека се заштедува на производ, се намалува загубата што би настанала со конвенционалниот начин на смрзнување. Не се создаваат кристали од водата, не се нарушува структурата на храната, се зачувува формата и убавиот изглед на производот исто како да е свеж, и кога ќе се одмрзне, има свежина и арома која не се губи во процесот на замрзнување.

2. Заштедувате време и пари.

Со самото тоа што ќе ја намалите загубата, трошите помалку време на замрзнување, заштедувате време и пари. Ладилникот ви овозможува и готвени оброци да подготвите пред време и со тоа што ќе ги замрзнете брзо во шок ладилник ќе имате на располагање свеж оброк како на денот на замрзнувањето, со непроменета боја, форма и арома. Затоа можете да бидете однапред подготвени дури и за големи настани, како би можеле да заштедите на труд, време и што е најважно ќе избегнете стрес.

3. Безбедност.

Безбедноста на храната е на прво место, а со тоа што значително се скратува времето на замрзнување, се скратува и изложеноста на потенцијална опасност од бактерии и други патогени микроорганизми.

Вивавак Компани ви нуди високо квалитетни шок ладилници со разни капацитети за вашите различни потреби. Ладилниците имаат опција за позитивно и негативно разладување, од +3 до -18 степени целзиусови. Во стандардните опции се вклучени и сонди за испитување на температурата во внатрепноста на ладилникот, како и во внатрешноста на производот. Идеални се за ресторани, пекари, слаткарници, кетеринг, производство на смрзната храна (овошје, зеленчук, месо, риба…) Контактирајте не за понуда или дополнителни информации. Стоиме на располагање!

Термособирачки кеси се вакуум кеси со широка примена во прехранбената индустрија. Се користат за пакување на еднокоморни и двокоморни вакумерки. Имаат сличен состав на обичните вакуум кеси, повеќе слоеви на PA (polyethylene) и PE (polyamide) со тоа што имаат и дополнителен слој EVOH (ethylvinyl alcohol) којшто пружа дополнителна заштита. Поради тоа овие кеси се одликуваат со поголема цврстина, повисок сјај, повисока отпорност на продупчување и губење на вакуумот (до 10 пати посилни од обичните вакуум кеси).

Една од најпозитивните нешта кај термособирачките кеси, а што воедно е недостаток кај обичните вакуум кеси, е тоа дека откако ќе се вакумира производот, и истите ќе се изложат на врела вода (75-90ºC, 2-3 секунди), се стеснуваат и го добиваат обликот на производот. Тоа е голем плус за визуелната презентација на производот. Така спакуваниот производ има подобра визуелна презентација бидејќи термособирачките кеси имаат повисока транспарентност и речиси и немаат видливи ќошиња и рабови.

Термособирачки кеси за вакуум пакување.

Термособирачките кеси нудат голем избор на решенија за пакување на кашкавал, месо и месни преработки, како и замрзната риба, месо, и месо со коски. Можат да бидат транспарентни, или во боја, и да бидат изработени во најразлични димензии во зависност од потребите на клиентот. Според намената, термособирачките кеси се делат на 4 основни групи:

1. Термособирачки кеси за кашкавал. Овие се идеални за разни типови на кашкавал бидејќи дозволуваат респирација, или пропустливост на гасовите што ги испушта кашкавалот додека зрее. Најчесто се обоени (црвени, жолти), иако може да бидат и транспарентни и печатени со флексо печат. Може да бидат правоаголни, со обло дно, во трапезоиден облик, итн. Можат да бидат со прилагодена дебелина (микронажа), во зависност од потребите на клиентот и производот кој се пакува. Исто така, се прилагодува степенот на пропустливост на гасови во зависност од зрелоста на производот кој се пакува.
2. Термособирачки кеси за месо и месни производи. Овие кеси се идеални за свежо и преработено месо, како и за млечни производи (кашавали и сирења) кои не испуштаат гасови. Нудат одлична заштита на производот и одлична визуелна презентација. И овие кеси доаѓаат во различни форми, бои, транспарентни и печатени, и со прилагодена цврстина за поголеми и потешки производи.
3. Термособирачки кеси без бариера за замрзната риба и месо. Овие кеси се одликуваат со одлични собирачки својства и висока отпорност на продупчување. Тоа ги прави идеални за замрнзата риба и месо, како и месо со коски.
4. Термособирачки кеси за термичка обработка на месо и месни производи. Овие кеси нудат одлични механички својства, висок степен на собирање, и издржливост на многу високи температури. Можат да бидат изработени два типа од овие кеси во зависност од тоа дали има потреба производот да се залепи на опаковката или не.

Вивавак Компани нуди широка гама на термособирачки кеси за вакуум пакување со супериорен квалитет. Доколку сеуште не сте сигурни кој метод и која амбалажа да ја примените за пакување на Вашиот производ, може слободно да не контактирате и да договориме состанок за консултација со цел да го изберете адекватното решение за Вас.

Со цел да се обезбеди најдоброто пакување за вашиот производ, истиот треба да се заштити од надворешни влијанија: воздух, вода, микроорганизми, мириси. Притоа треба да се обезбеди подолг рок на траење на вашиот производ. Идеално решение за тоа е вакумирање во вакуум кеси со помош на вакумерките од италијанскиот бренд Lavezzini.

Вивавак Компани е генерален застапник за Lavezzini во Македонија. Овие машини за вакумирање имаат долгогодишна традиција и беспрекорен квалитет, коишто би го задоволиле и најпребирливиот клиент. Машините се со модерен дизајн и опремени со сензори за регулирање на фазата на вакуумот, како и функција за автоматско самопрочистување на вакуум пумпата.

Машината е конструирана такашто може лесно да се отвори при промена на масло или при потреба од сервис. Капакот се отвара под агол од 90º што овозможува лесен пристап до вакуум пумпата.

Брендот Lavezzini располага со широка гама на машини за вакумирање, треј силери, како и апарати за готвење на ниска температура (sous vide cooking). Постојат различни модели на еднокоморни и двокоморни вакумерки кои се разликуваат по капацитетот на вакуум пумпата, димензиите на комората, софтверот со кој работат како и дизајнот според намената.

За сите машини од брендот Lavezzini Вивавак Компани дава гаранција и обезбедува сервис за истите. За повеќе информации околу машините и тестирање на истите, можете да не контактирате на телефонските броеви или на email.

Транспарентната вакуум фолија има за цел да овозможи добра визуелна презентација на производот, максимална долготрајност и свежина на производот, како и заштита од влага, воздух, надворешни ароми и механичка заштита. За разлика од вакуум кесите кои се користат кај еднокоморни и двокоморни вакумерки, вакуум фолијата се користи за пакување на автоматска вакуум линија.

За овој начин на пакување се потребни два типа на фолија: горна и долна.

Долната фолија треба да биде направена така што да го издржи процесот на термоформирање, притоа на краевите да остане доволно силна за да го заштити производот. Со новите технологии на производство, долната фолија може да има од 3 до 15 слоја, во зависност од бариерата којашто треба да се овозможи. Структрата на оваа фолија најчесто се состои од полиамид (PA), полиетилен (PE), полипропилен (PP) и EVOH. Во зависност од извлекувањето кое е потребно и типот на производот, има различни дебелини на долна фолија, почнувајќи од 80 микрони, па се до 240 микрони.

Горната фолија може да биде транспарентна, бела, златна или печатена по желба на клиентот. Дебелината на оваа фолија обично изнесува до 100 микрони, со тоа што таа не се истегнува. Вивавак Компани ви нуди горна и долна фолија со ширина од 70 до 460mm, и дебелина од 60 до 240микрони. Фолијата е со потекло од Европска Унија и ги има сите потребни сертификати и декларации. Има одлично истегнување и транспарентност.

Погледнете го видеото за да видите како изгледа процесот на вакуум пакување кај автоматска вакуум линија со термоформирачка фолија.